आलु महँगियो, मूल्य कति छ ?

२२ जेठ । बजारमा आलुको भाउ बढेको छ । कालीमाटी फलफूल तथा तरकारी बजार विकास समितिको तथ्यांकले बिहीबार आलुको भाउ बढेको देखाएको हो ।

कालीमाटी बजारमा आज रातो आलुको प्रतिकिलो थोक मूल्य अधिकतम ३९ रुपैयाँ र औसत ३८ रुपैयाँ कायम छ । हिजो बुधबार रातो आलु प्रतिकिलो अधिकतम ३८ रुपैयाँ र औसत ३६ रुपैयाँमा किनबेच भएको थियो ।यस्तै बजारमा मुडेको आलु प्रतिकिलो ३७ रुपैयाँमा किनबेच भइरहेको छ । भारतीय रातो आलु प्रतिकिलो ३३ रुपैयाँमा कारोबार भइरहेको छ ।२०८१ को चैत अन्तिम साता रातो आलु प्रतिकिलो ३२ रुपैयाँ र भारतीय रातो आलु ३७ रुपैयाँमा किनबेच भएको थियो ।