भोटेकोशी नदीमा आएको विनासकारी बाढीवाट प्रभावित नागरिकहरुको राहत तथा पुनर्स्थापनाका लागि निरन्तर सहयोग जम्मा हुने क्रम चलिरहेको छ । देश संकटमा पर्दा गरिने जुनसुकै पनि सहयोगले ठुलो राहत मिल्छ भन्ने भनाईका साथ गैरीथोके पैङगी लामा भाइखलक परिवारले प्रधानमन्त्री राहत कोषमा दुई लाख रुपैया सहयोग गरेको छ ।
स्याङ्जा जिल्ला पुतलीबजार नगरपालिका वाड नः ८ र ९ कोल्मा गैरीथोक र डाडास्वरा बिरुवा गाउँपालिका वाड नः ४ खुदी ,डिही र चाम्रकी बस्ने गैरीथोके पैङगी लामा भाइखलक परिवारले उक्त सहयोग गरेको हो । आर्थिक सहयोग संकलन परिवारका आवद्ध सदस्य हरुको सक्रियतामा भएको थियो । भाइखलकका सदस्यहरु लगायत देश बिदेश रहेका सम्पूर्ण गैरीथोके परिवारका सदस्यहरुले सहयोग गरेको गैरीथोके पैङगी लामा भाइखलक परिवारका अध्यक्ष जित बहादुर गुरुङले जनाकारी दिनुभयो ।
