‘तोलामा ५ सय रुपैयाँले बढ्यो सुनको मूल्य’

२२ जेठ बिहीबार सुनको मूल्य तोलामा ५ सय रुपैयाँले बढेको छ।

नेपाल सुनचाँदी व्यवसायी महासंघका अनुसार आज सुन प्रतितोला रु १,९३,७०० मा कारोबार हुँदैछ। अघिल्लो दिन यसको मूल्य रु १,९३,२०० रहेको थियो।

एक साताको अवधिमा सुनको मूल्य करिब रु ६,००० ले बढेको छ। जेठ १५ गते सुनको मूल्य रु १,८७,८०० थियो।

चाँदीको मूल्य भने स्थिर छ। बिहीबार चाँदी अघिल्लो दिनकै मूल्यमा, अर्थात् रु २,०७५ प्रति तोला मा कारोबार हुनेछ।