लामो समयदेखि बजेट प्रक्रियामा देखिएको गतिरोधपछि काठमाडौं महानगरपालिकाका मेयर बालेन साहले कार्यपालिका बैठक आह्वान गरेका छन्।
महानगरका सञ्चार विज्ञ सुरेन्द्र बजगाईंका अनुसार कार्यपालिका बैठक शुक्रबार दिउँसो २ बजे बस्ने तय भएको छ। त्यसअघि बिहान ११ बजे बजेट स्रोत समितिको बैठक र लगत्तै उपमेयर सुनिता डंगोलको नेतृत्वमा बजेट तथा कार्यक्रम तर्जुमा समितिको बैठक बस्नेछ।
यी प्रक्रिया पूरा भएपछि दिउँसो २ बजे कार्यपालिका बैठक बसी आगामी आर्थिक वर्षका लागि नीति, कार्यक्रम र बजेट नगर सभामा पेस गर्ने निर्णय गर्नेछ।
