राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) ले भिजिट भिसा प्रकरण र संघीय निजामती विधेयकमा भएको अनियमितताको विषयलाई लिएर गृहमन्त्री रमेश लेखकको राजीनामा माग गर्दै आज पनि संसद् बैठक बहिष्कार गरेका छन्।
सरकारले भिजिट भिसा प्रकरणको छानबिनका लागि पूर्व मुख्यसचिव शंकरदास बैरागीको नेतृत्वमा समिति गठन गरेको छ, तर रास्वपाले उक्त समितिलाई अस्वीकार गरेको छ। साथै, रास्वपाले संघीय निजामती विधेयक पास गर्ने क्रममा भएको गडबडीको पनि छानबिन गर्न माग गरेको छ।
