कालीमाटी फलफूल तथा तरकारी बजार विकास समितिको तथ्यांकअनुसार आइतबार बजारमा सुकेको प्याजको भाउ घटेको छ। आइतबार कालीमाटी बजारमा सुकेको प्याजको थोक मूल्य प्रतिकिलो न्यूनतम ४४ रुपैयाँदेखि अधिकतम ४६ रुपैयाँमा कारोबार भएको छ।
शनिबार प्याजको थोक मूल्य प्रतिकिलो न्यूनतम ४५ देखि अधिकतम ४६ रुपैयाँ थियो भने शुक्रबार न्यूनतम ४५ देखि अधिकतम ४७ रुपैयाँमा कारोबार भएको थियो। एक साताअघि सुकेको प्याजको थोक मूल्य प्रतिकिलो न्यूनतम ४७ देखि अधिकतम ५० रुपैयाँ थियो। यसअनुसार, एक साताको अवधिमा प्याजको भाउ प्रतिकिलो ४ देखि ५ रुपैयाँले घटेको छ।
यसैगरी, १ असारमा सुकेको प्याज प्रतिकिलो न्यूनतम ४० देखि अधिकतम ४२ रुपैयाँमा किनबेच भएको थियो। जेठको अन्तिम सातामा भने थोक मूल्य प्रतिकिलो न्यूनतम ३६ देखि अधिकतम ३८ रुपैयाँमा कारोबार भएको थियो।
