दैवी प्रकोप उद्धार कोषमा पोखरा उद्योग वाणिज्य संघको ७५ हजार रुपैयाँ सहयोग

संघले आफ्ना पदाधिकारी तथा कार्यसमिति सदस्यहरूलाई थप रकम सहयोग गर्न आह्वान समेत गरेको छ । महासचिव शोभा गौतमका अनुसार वर्तमान कार्यसमितिबाट संकलन हुने थप रकम र संघको ७५ हजार रुपैयाँ एकमुष्ठ गरी हस्तान्तरण गरिने छ । उक्त रकम कास्कीका प्रमुख जिल्ला अधिकारीमार्फत प्रधानमन्त्री दैवी प्रकोप उद्धार कोषमा पठाइने संघले जनाएको छ ।

यसअघि बुधबार भोटेकोशीमा आएको बाढीले पुर्‍याएको जनधनको क्षतिप्रति संघले दुःख व्यक्त गरेको थियो । विपद्को यो घडीमा स्थानीय प्रशासन र सुरक्षा निकायसँग आवश्यक समन्वय गर्ने प्रतिबद्धता संघको छ । उद्धार, राहत संकलन र पुनःस्थापनाका अभियानमा संघ प्रत्यक्ष सहभागी हुने अध्यक्ष गोकर्ण कार्कीले बताए ।