२०८३ भदौ १२
बाढीले रसुवाको टिमुरे र स्याफ्रुबेसी तथा नुवाकोटको बेत्रावती, त्रिशूली र देवीघाट लगायतका स्थानमा ठूलो जनधनको क्षति पुर्याएको छ । यसबाट रसुवा, नुवाकोट, धादिङ र चितवनका नदी तटीय क्षेत्रका नागरिक प्रत्यक्ष प्रभावित भएका छन् । विभिन्न उद्देश्यले ती क्षेत्रमा रहेका स्वदेशी तथा विदेशी नागरिकले समेत क्षति व्यहोर्नुपरेको छ । विपद्मा परी ज्यान गुमाउनेहरूप्रति बैंकले श्रद्धाञ्जली व्यक्त गर्दै शोकसन्तप्त परिवारमा गहिरो समवेदना प्रकट गरेको छ ।
प्राकृतिक विपद्का कारण ठूलो संख्यामा नागरिक प्रभावित भएको यस कठिन घडीमा सहयोग गर्नु बैंकको सामाजिक उत्तरदायित्व भएको बताइएको छ । बैंकले प्रदान गरेको ५० लाख रुपैयाँ सहयोगले राहत र पुनःस्थापना कार्यमा केही हदसम्म टेवा पुग्ने विश्वास लिइएको छ । विपद् प्रभावित नागरिकको साथमा रहँदै बैंकले आगामी दिनमा पनि समुदायको हित र सामाजिक उत्तरदायित्वका कार्यलाई निरन्तरता दिने प्रतिबद्धता जनाएको छ ।
