अस्पतालमा रहेको वाइफाई चलाउन नदिएको भन्दै स्वास्थ्यकर्मी कुट्ने ३ जना पक्राउ परेका छन् ।
कालिकोट प्रहरीले शुक्रबार पलाँता गाउँपालिका-९ स्थित पलाँता अस्पतालमा कार्यरत चिकित्सक एवं नर्समाथि हातपात गर्ने ३ जनालाई पक्राउ गरिएको जनाएको छ।
यस कार्यालयमा अनुसन्धान कार्य जारी भइरहेको व्यहोरा जानकारी जिल्ला प्रहरी कार्यालय कालिकोटका सूचना अधिकारी सुरेश खत्री बताए।
शुक्रबार दिउँसो १ बजेतिर १४ र १५ वर्षका एकाघरका दुई भाइ अस्पतालको वाइफाई कनेक्ट गरी अस्पतालको ओपिडी नजिक मोबाइलमा गेम खेलिरहेका थिए । चिकित्सले बाहिर गएर मोबाइल चलाउन भने ।
त्यसपछि उनीहरूले चिकित्सकसँग वादविवाद गरे । उनीहरूको परिवारका अन्य सदस्य समेत लागेर चिकित्सकमाथि कुटपिट गरेको प्रहरीले बताएको छ।
Note: Image is generated by AI.
