राप्रपाको आह्वान- हिन्दू राष्ट्रको आवश्यकता प्रमाणित भइसक्यो, बहस थालौँ

धार्मिक संवेदनशीलतामाथि प्रहार भइरहेको यस्ता घटनाको कारण, पृष्ठभूमि, योजनाबद्ध पक्ष, सुरक्षा व्यवस्थाका कमजोरी तथा प्रशासनिक उत्तरदायित्वसमेतको गहिरो अध्ययन गरी समस्याको जरासम्म पुगेर दीर्घकालीन समाधान खोज्न सरकारसँग आग्रह गरेको छ ।

विज्ञप्तिमा भनिएको छ, ‘प्रत्येक नेपालीले आफ्नो धर्म, संस्कृति र परम्पराको अभ्यास संविधान र कानुनले सुनिश्चित गरेको अधिकारभित्र रही निर्भयपूर्वक गर्न पाउने वातावरण राज्यले सुनिश्चित गर्नुपर्दछ । तर, शृङ्खलाबद्ध हिंसात्मक घटनाप्रति राज्यको उदासीनताका कारण देश द्वन्द्व उन्मुख हुने सम्भावनाले हामीलाई अति चिन्तित तुल्याएको छ ।’

विश्वका अनेकन् घटना, दुर्घटनाबाट पाठ सिक्दै सबै पक्षलाई विश्वासमा लिएर दीर्घकालीन शान्तिको राष्ट्रिय अठोटको गन्तव्य तय गर्न सरकारको ध्यानाकर्षण गराएको छ ।

विज्ञप्तिमा भनिएको छ, ‘राप्रपा पुनः स्पष्ट गर्दछ कि वैदिक सनातन धर्म सापेक्ष हिन्दु राष्ट्रको पुनर्स्थापनाको आफ्नो एजेन्डा कुनै धर्म, सम्प्रदाय वा समुदायको अधिकार सीमित गर्ने उद्देश्यबाट प्रेरित होइन । बरु नेपालको ऐतिहासिक पहिचान, राष्ट्रिय एकता, सांस्कृतिक निरन्तरता तथा सबै नागरिकको धार्मिक स्वतन्त्रता, समान अधिकार र पारस्परिक सम्मानलाई संस्थागत रूपमा सुनिश्चित गर्ने राष्ट्रिय अवधारणाका रूपमा पार्टीले यसलाई निरन्तर उठाउँदै आएको छ।’

पछिल्लो दुई दशकको अभ्यासले हिन्दु राष्ट्र नेपालको आवश्यकता प्रमाणित गरिरहेको यथार्थलाई स्वीकार गर्न र तदअनुरुप बहस प्रारम्भ गर्न आह्वान गरेको छ । सम्पूर्ण नेपाली नागरिकहरूलाई संयम, विवेक, सहिष्णुता तथा राष्ट्रिय एकताको पक्षमा दृढतापूर्वक उभिन आह्वान गरेको छ ।