मतदातासँग ओली- भोकमरी अन्त्य गरिसक्यौँ, अब सुकुमबासी र गरिबहरूको ध्यान दिन्छौँ

उनले भने, ‘सुकुम्वासी, गरिबहरूका सम्बन्धमा हाम्रो पार्टीले सबैभन्दा बढी ध्यान दिन्छ। हाम्रो नीति, कोही पनि भोकै हुनुहुँदैन, कोही पनि भोकै मर्दैन। हामीले झन्डै झन्डै भोकमरीको स्थिति अन्त्य गरेका छौँ। गरिबी अन्त्य गर्नका लागि हामीले प्रयास गरेका छौँ।’

उनले स्वास्थ्य बिमालाई परिवर्तन गरेर ३५ सय तिरेर १ लाखसम्मको उपचार गर्न पाइने व्यवस्था आफूले बनाएको बताए। उनले झापाको विकासलाई आफूले तीव्रता दिएको समेत जिकिर गरे।

उनले भने, ‘विकास सकिएको हुँदैन, अझै बाँकी हुन्छ। म प्रधानमन्त्री हुनुभन्दा अगाडि धेरै कठिन थियो। मूलभूत बाटाहरू पक्की भएका छन्, अब त्यसमा अरू कनेक्सन जोडिन बाँकी छ। दमक ठुलो नगरपालिका हो, यहाँको विकासका लागि हामी सधैँ लाग्नेछौँ।’

उनले आफू विराटनगरमा एउटा कार्यक्रम सकेर आजै काठमाडौं फर्किन लागेको समेत जानकारी गराए।