नेपाल आयल निगमले पेट्रोलियम पदार्थको मूल्य बढाएको छ । यो नयाँ मूल्य गएको राति १२ बजेदेखि लागू भइसकेको छ । निगमले पेट्रोल, डिजेल, मट्टितेल र हवाई इन्धनको मूल्य वृद्धि गरेको हो ।

पेट्रोलमा प्रतिलिटर ३ रुपैयाँ बढाइएको छ । डिजेल र मट्टितेलमा प्रतिलिटर ५ रुपैयाँ वृद्धि भएको छ । हवाई इन्धन आन्तरिकतर्फ २० रुपैयाँ र अन्तर्राष्ट्रियतर्फ प्रतिकिलोलिटर १३१ अमेरिकी डलरले बढेको छ । खाना पकाउने एलपी ग्यासको मूल्य भने यथावत् राखिएको छ ।

नयाँ मूल्यसूची अनुसार काठमाडौँ, पोखरा र दिपायलमा पेट्रोल र डिजेलको मूल्य प्रतिलिटर २ सय रुपैयाँ पुगेको छ । सुर्खेत र दाङमा उपभोक्ताले पेट्रोल र डिजेलका लागि प्रतिलिटर १९९ रुपैयाँ तिर्नुपर्नेछ । चारआली, विराटनगर, जनकपुर, अमलेखगन्ज, भलवारी, धनगढी र वीरगन्जमा यसको मूल्य १९७ रुपैयाँ ५० पैसा पुगेको छ । यसअघि बजारमा पेट्रोल १९७ रुपैयाँ तथा डिजेल र मट्टितेल १९५ रुपैयाँ प्रतिलिटरमा बिक्री भइरहेको थियो ।

इण्डियन आयल कर्पोरेसनले ३१ जुलाई २०२६ मा पठाएको नयाँ खरिद मूल्यका आधारमा निगमले यो निर्णय लिएको हो । सो सूचीअनुसार पेट्रोलमा २० रुपैयाँ १९ पैसा, डिजेलमा ३९ रुपैयाँ ६७ पैसा र हवाई इन्धनमा प्रतिलिटर १९ रुपैयाँ ६ पैसा मूल्य बढेर आएको छ ।

ट्राफिक व्यवस्थापन चुस्त राख्न र सम्भावित सवारी दुर्घटना न्यूनीकरण गर्ने ट्राफिक प्रहरीको मुख्य उद्देश्य छ। प्रहरीले स्कुलका सवारी साधनलाई लक्षित गरी चेकजाँच कडा पारेको छ। नियम विपरीत सञ्चालन भएका प्रगति एजुकेशन फाउण्डेशनका ४ वटा बस कारबाहीमा परेका छन्। त्यस्तै विन्ध्यवासिनी माध्यमिक विद्यालयको १ र पोखरा एकेडेमीको १ वटा बसलाई पनि कारबाही गरिएको छ।