पोखरा । नेकपा एमालेको लडाकु दस्ता नेशनल भोलेन्टियर्स फोर्सले रास्वपाका शीर्ष नेताबाट एमाले नेतृत्वमाथि अनावश्यक लाञ्छना लगाइएको र पार्टीको झण्डा समेत जलाइएको भन्दै प्रशासनले कारबाही नगरे प्रतिवादमा उत्रिने चेतावनी दिएको छ ।
फोर्सका प्रमुख कमाण्डर पुष्पराज श्रेष्ठले शुक्रबार वक्तव्य जारी गर्दै झण्डा जलाउने,उत्तेजना फैलाउने र द्वेष भड्काउने कार्यलाई अराजक मानसिकताको प्रतीक भनेका छन् ।
यस्ता कार्यमा संलग्न व्यक्तिमाथि राज्य संयन्त्रले कारवाही नगरे अराजकहरूलाई कारबाही गर्न सशक्त प्रतिवाद गर्ने चेतावनी वक्तव्यमार्फत दिएका छन् ।
पोखरा टेलिभिजन २०८२ फागुन ७ गते
पोखरा। राष्ट्रिय स्वतन्त्र पार्टीका बागमती प्रदेश उपसभापति दिनेश हुमागाईँले पार्टी छाडेका छन् । उनले आज पार्टीको साधारण सदस्य समेत नरहने गरी महामन्त्री समक्ष राजीनामा घोषणा गरेका छन् ।
हुमागाईँ ७९ मा काभ्रे २ बाट प्रतिनिधिसभाको निर्वाचनमा उठेका थिए । उनले राजीनामा पत्रमा रास्वपा छाड्नुका ७ कारण खुलाएका छन् ।
उम्मेदवार छनोटमा चरम आर्थिक चलखेल भएको, केन्द्रीय संरचना विस्तार तथा सदस्यता तथा आर्थिक व्यवस्थापनमा अपारदर्शीता देखिएको उनको आरोप छ ।
उम्मेदवार चयनमा असन्तुष्टि जनाउँदै उनले लेखेका छन्( वर्षौंदेखि पार्टीमा समर्पित कार्यकर्ताहरूलाई पाखा लगाई अन्य दलबाट हालसालै आएका व्यक्तिहरूलाई प्राथमिकता दिइएको छ ।
विशेष रूपमा, दुई(चार दिन अघाडिसम्म मोबाइल पसलमा काम गरिरहेका, गीत गाइरहेका, सामाजिक अभियन्ता भनेर हिँडिरहेका, चटकदारहरूलाई स्वार्थको आधारमा उम्मेदवार बनाइएको छ।
पार्टीले सुरुमा उनानसीको निर्वाचनमा जान्नेलाई छान्ने भनेको थियो । तर व्यवहारमा तिनै जान्ने, सिमित व्यक्तिहरू, माथिका व्यक्तिहरूलाई चाकडी गर्ने, खुसी पार्ने, वरिपरि घुम्ने ९नेपालीमा ‘गणेश प्रवृत्ति’० पात्रहरूलाई प्रत्यक्ष र समानुपातिक दुवै तर्फ प्राथमिकता दिइएको छ। पार्टीले चयन गरेको चरम चलखेलले भोलिको नेपालको संसद चटकदारहरूको थलो, विकृत र अवसरवादी संरचनामा परिणत हुने स्पष्ट संकेत देखाएको छ ।
हुमागाईँले अघिल्लो निर्वाचनमा काभ्रे २ बाट १० हजार ५७३ मत ल्याएका थिए । रास्वपामा पछिल्लो समय उम्मेदवार चयन प्रक्रियामा चलखेल बढेको र आर्थिक पारदर्शीतामाथि प्रश्न उठाउँदै पार्टी छाड्नेको संख्या बढेको छ ।
हिजो मात्रै रास्वपा मधेशकी संस्थापक सभापति ममता शर्मा र नेतृ खेम कुमारी ९उर्मिला० भुर्तेलले पनि पार्टी छाडेका थिए ।
पोखरा । काभ्रेको बनेपामा टिपरको ठक्करबाट स्कुटर चालकको मृत्यु भएपछि अवरुद्ध अरनिको राजमार्ग सञ्चालनमा आएको छ । टिपरको ठक्करबाट धुलिखेल नगरपालिका–८ घर भएर बनेपा बस्ने ३१ वर्षीय ओमन प्रधानको मृत्यु भएको थियो । दुर्घटनापछि स्थानीयले बागमती प्रदेश–०१–००४ क ३४२३ नम्बरको टिपरमा आगजनी गरेर राजमार्ग अवरुद्ध गरेका थिए ।
गत वैशाखमा उनीविरुद्ध १८ वर्षकी किशोरीले जाहेरी दिएकी थिइन् । किशोरी १७ वर्षको उमेर हुँदा जबरजस्ती करणीमा परेर उनलाई गर्भवती बनाएको र किशोरीले बच्चासमेत जन्माएकी जाहेरीमा उल्लेख छ ।
जिल्ला प्रहरी कार्यालयका अनुसार ती बालिकाले २०७१ गत फागुनमा बच्चा जन्माइसकेकी छन् । शिशु जन्मिएपछि घटना सार्वजनिक भएको थियो ।
जाहेरी प्राप्त भएपछि प्रहरीले अनुसन्धान जारी गरेको जनाए पनि मेयर फरार थिए । मंगलबार भने उनी आफैँ जिल्ला प्रहरी कार्यालय पुगेका हुन् ।
प्रहरी प्रमुख सुवेदीले नेपाल प्रेससँग मेयरलाई हिरासतमा राखेर अनुसन्धान थालिएको बताए ।
उनले भने, ‘सुकुम्वासी, गरिबहरूका सम्बन्धमा हाम्रो पार्टीले सबैभन्दा बढी ध्यान दिन्छ। हाम्रो नीति, कोही पनि भोकै हुनुहुँदैन, कोही पनि भोकै मर्दैन। हामीले झन्डै झन्डै भोकमरीको स्थिति अन्त्य गरेका छौँ। गरिबी अन्त्य गर्नका लागि हामीले प्रयास गरेका छौँ।’
उनले स्वास्थ्य बिमालाई परिवर्तन गरेर ३५ सय तिरेर १ लाखसम्मको उपचार गर्न पाइने व्यवस्था आफूले बनाएको बताए। उनले झापाको विकासलाई आफूले तीव्रता दिएको समेत जिकिर गरे।
उनले भने, ‘विकास सकिएको हुँदैन, अझै बाँकी हुन्छ। म प्रधानमन्त्री हुनुभन्दा अगाडि धेरै कठिन थियो। मूलभूत बाटाहरू पक्की भएका छन्, अब त्यसमा अरू कनेक्सन जोडिन बाँकी छ। दमक ठुलो नगरपालिका हो, यहाँको विकासका लागि हामी सधैँ लाग्नेछौँ।’
उनले आफू विराटनगरमा एउटा कार्यक्रम सकेर आजै काठमाडौं फर्किन लागेको समेत जानकारी गराए।
गत २६ माघमा घुमाउने भन्ने स्थानमा ढुंगाको कपेरोमा मानव कंकाल देखिएको भन्दै स्थानीयले जिल्ला प्रहरी कार्यालय गुल्मीमा जानकारी गराएका थिए ।
सूचना प्राप्त हुनासाथ प्रहरीको टोली घटनास्थल पुगेको थियो ।
जिल्ला प्रहरी कार्यालय गुल्मी का प्रहरी नायव उपरीक्षक गंगाबहादुर सारुले घटनासम्बन्धी अनुसन्धान जारी रहेको बताए ।
५ फागुन, पैदलयात्रीलाई मुक्का हान्ने व्यक्तिलाई ट्राफिक प्रहरीले पक्राउ गरेको छ । पक्राउ पर्ने कार चालक पारस बम रहेको ट्राफिक प्रहरी स्रोतले जानकारी दियो ।
कास्कीको पोखरा महानगरपालिका–९, स्थित काठमाडौं फ्रेस बेकरी कारबाहीमा परेको छ । म्याद गुज्रेका सामग्रीबाट केक बनाउने गरेको पाइएपछि स्थानीय प्रशासनले कारबाहीस्वरुप २० हजार रुपैयाँ जरिवाना तिराएको हो । बेकरीबाट उत्पादित केक खाएपछि बिरामी परेको उपभोक्ताको गुनासोपछि प्रशासनको टोली अस्ति त्यहाँ पुगेको थियो ।
त्यसक्रममा म्याद गुज्रेका सामग्री फेला पर्नुका साथै अधिकांश सामानमा लेबलिङ्ग, ब्याच नम्बर, उत्पादन मिति, प्रयोग योग्य मिति उल्लेख नभएको, सरसफाई अभाव, बिलबिजक पनि दिने नगरेको भेटिएको प्रशासनको ठहर छ ।
‘म्याद गुज्रेका र मिति नखुलेका खाद्यान्नहरु नियन्त्रणमा लिई तत्काल नष्ट गरी उक्त बेकरीलाई २० हजार रुपैयाँ जरिवाना गरियो,’ प्रशासनद्धारा जारी विज्ञप्तिमा भनिएको छ । सिडिओ कार्यालयले बेकरीलाई ६ बुँदे निर्देशनसमेत दिएको छ ।
जसमा मूल्यसूची र व्यवसायसम्बन्धी कागजात सबैले देख्नेगरी राख्न, सरसफाईमा विशेष ध्यान दिने, म्याद गुज्रेका सामान अलग्गै राखी नष्ट गर्न, वस्तु उत्पादन हुँदाकै बखत लेबलिङ, ब्याच नम्बर, उत्पादन मिति, प्रयोग योग्य मिति उल्लेख गर्न वा उल्लेख नभएका सामग्री बेचबिखन नगर्न र बिलबिजक अनिवार्य रुपमा उपलब्ध गराउन भनिएको छ ।
प्रशासनको सूचना अटेरी गर्दै राजावादीहरूले भोलि दिउँसो त्रिभुवन अन्तराष्ट्रिय विमानस्थलमा जुलुस निकाल्ने तयारी गरेपछि सुरक्षाकर्मीलाई ‘हाइ अलर्ट’मा राखिएको छ ।
आज साँझदेखि नै विमानस्थल परिसरमा नेपाली सेना, सशस्त्र र नेपाल प्रहरीको तैनाथी बढाउन लागिएको हो । जिल्ला प्रशासन कार्यालय, काठमाडौँले भोलिदेखि विमानस्थल र आसपासका क्षेत्रमा पाँच जनाभन्दा बढी भेला भएर प्रदर्शन, जुलुस, र्याली र सभा नगर्नरनगराउन भन्दै सूचना जारी गरिसकेको अवस्थामा मेडिकल व्यवसायी दुर्गा प्रसाईंले चुनौती दिएका छन् ।
आज बिहान पत्रकार सम्मेलन गरेर उनले अन्तिम राजा ज्ञानेन्द्र शाहको स्वागतको लागि उपत्यका आसपासका जिल्लामा रहेका समर्थकलाई भोलि मध्याह्न १२ बजे विमानस्थल गेटमा आउन उर्दी जारी गरेका थिए । राजसंस्था पुनःस्थापनाको लागि संयुक्त जनआन्दोलन समितिका संयोजक नवराज सुवेदीसमेत प्रशासनको प्रतिबन्धले पूर्वराजाको स्वागत नरोकिने चेतावनी दिएका छन् ।
विमानस्थलजस्तो संवेदनशील क्षेत्रमा राजावादीले भेला हुने तयारी गरेपछि सरकारले सुरक्षा तैनाथी बढाउन लागेको हो । विमानस्थल परिसरमा व्यापक सुरक्षाकर्मी परिचालनको तयारी भइरहेको एक उच्च प्रहरी अधिकारीले जानकारी दिए । उनका अनुसार प्रशासनको अटेरी गरेर राजावादीहरु भेला भएमा बल प्रयोग हुनेछ ।
‘स्थानीय प्रशासनले जारी गरेको सूचना नै मान्दैनौँ भन्नुहुन्छ भने प्रहरीले पनि आफ्नो कर्तव्य त पूरा गर्नुपर्ने हुन्छ’, उनले भने, ‘सुरक्षाकर्मीलाई अलर्टमा राखिएको छ, स्थिति हेरेर आवश्यकता अनुसार परिचालन हुन्छन् ।’
पोखरा । सहकारी ठगी प्रकरणमा अदालती तारेख बुझेर राष्ट्रिय स्वतन्त्र पार्टी ९रास्वपा० का सभापति रवि लामिछाने स्याङ्जा लागेका छन्। विहीबार बिहान कास्की जिल्ला अदालत पुगेर उनले आफ्नो मुद्दाको तारेख बुझेका हुन्।
अदालतका सूचना अधिकारी रामबहादुर किसानका अनुसार लामिछानेले विहीबार बिहानै हाजिर भएर तारेख लिएका हुन्। उनी विरुद्ध सहकारी ठगी, संगठित अपराध र सम्पत्ति शुद्धीकरण जस्ता गम्भीर मुद्दा विचाराधीन छन्। चुनावी अभियानका क्रममा बुधबार पोखरा आइपुगेका उनी अदालतको प्रक्रिया सकेर सिधै स्याङ्जातर्फ लागेको रास्वपा कार्यकर्ताले बताए।
पोखराको सूर्यदर्शन बचत तथा ऋण सहकारीको रकम गैरकानुनी रुपमा गोर्खा मिडिया नेटवर्कमा लगेको आरोप लामिछानेमाथि छ। सर्वसाधारणको बचत प्रयोग गरेर ग्यालेक्सी टेलिभिजन चलाएको भन्दै पीडितहरुले उनी विरुद्ध जाहेरी दिएका थिए। यसै आधारमा जिल्ला सरकारी वकिलको कार्यालयले रविसहित ६३ जनालाई विपक्षी बनाएर मुद्दा दायर गरेको हो। उक्त मुद्दामा कुल १ अर्ब ५१ करोड रुपैयाँ ठगी भएको दाबी गरिएको छ।
अदालतमा दर्ता भएको अभियोग पत्रमा लामिछाने विरुद्ध मात्रै दुई प्रकारका बिगो दाबी छन्। सहकारीको रकम अपचलन गरेको अभियोगमा ३ करोड ३७ लाख ६५ हजार रुपैयाँ बिगो मागिएको छ। त्यस्तै सम्पत्ति शुद्धीकरणतर्फ २७ करोड ८९ लाख ४४ हजार ७०५ रुपैयाँ बिगो दाबी गरिएको छ। यो मुद्दा अहिले पनि अदालतमा सुनुवाइकै क्रममा छ।
यसअघि कास्की प्रहरीले उनलाई ८४ दिनसम्म हिरासतमा राखेर अनुसन्धान गरेको थियो। सरकारी वकिलले मुद्दा दायर गरेपछि जिल्ला अदालतले उनलाई धरौटीमा छाड्ने आदेश दिएको थियो। सोही आदेश अनुसार ६५ लाख रुपैयाँ धरौटी बुझाएर उनी छुटेका थिए। अहिले उनी त्यही मुद्दाको नियमित तारेखमा छन्।
तारेख बुझेपछि लामिछाने स्याङ्जाका विभिन्न ठाउँमा आयोजना हुने ‘घण्टी अभिवादन’ कार्यक्रममा सहभागी हुनेछन्। उनी चुनावी प्रचारलाई तीव्रता दिन त्यसतर्फ लागेका हुन्। यो सहकारी प्रकरणका मुख्य आरोपी तथा गोर्खा मिडियाका अध्यक्ष जिबी राई भने अझैसम्म प्रहरीको नियन्त्रणमा आएका छैनन्। उनी हालसम्म फरार रहेको प्रहरीले जनाएको छ।
