२०८३ भदौ ६ गते
भदौ ११ गते बिहान ११ बजेको बैठकमा मुख्यमन्त्री सुरेन्द्रराज पाण्डेसँग प्रश्नोत्तर कार्यक्रम सञ्चालन हुनेछ ।
प्रदेश सभा नियमावलीमा व्यवस्था भएबमोजिम मुख्यमन्त्रीसँगको प्रश्नोत्तरलाई प्राथमिकता दिइएको सचिवालयले जनाएको छ ।
यसका लागि भदौ ८ गते कार्यालय समयभित्र प्रश्न टिपाउन प्रदेश सभा सचिवालयले सांसदहरुका नाममा सूचना जारी गरेको छ । कार्यसूची तय गर्न कार्य व्यवस्था परामर्श समितिको बैठक भने भदौ ९ गते बस्ने भएको छ । भदौ ९ गते बिहान ११ बजे कार्यव्यवस्था परामर्श समितिको बैठक बसेर थप कार्यसूची तय गरिने सचिव गोविन्द पौडेलले जानकारी दिए ।
