सप्तरीमा करेन्ट लागेर एक किसानको मृत्यु भएको छ। मृत्यु हुनेमा रुपनी गाउँपालिका–३, कटैया निवासी ४२ वर्षीय शम्भुकुमार इसर रहेका छन्।
सप्तरीका प्रहरी प्रवक्ता डिएसपी जितेन्द्रकुमार बस्नेतका अनुसार, आज बिहान इसर आफ्नै गाउँ नजिकै धान खेतमा जडान गरिएको मोटर चलाउने क्रममा करेन्ट लागेको हो।
डिएसपी बस्नेतका अनुसार, करेन्ट लागेपछि घटनास्थलमै इसरको मृत्यु भएको हो।
घटनाबारे थप अनुसन्धान भइरहेको जिल्ला प्रहरी कार्यालय सप्तरीले जनाएको छ।
