उत्तराखण्डको बाढीमा धादिङका ४ नेपाली बेपत्ता, परिवारको गुहारपछि खोजी शुरू
भारतको उत्तराखण्डमा काम गर्दै आएका धादिङ ज्वालामुखी गाउँपालिका–२ का चार नेपाली युवाहरू बाढीपहिरोमा परेर सम्पर्कविहीन भएका छन्। साउन २० गते उत्तरकाशीको धराली गाउँमा आएको बाढीपछि उनीहरू बेपत्ता भएका हुन्। परिवारको आग्रहपछि गृह मन्त्रालयमार्फत भारतीय दूतावासलाई खोजीका लागि अनुरोध गरिएको छ।
