पर्यटकीय जिल्ला मुस्ताङलाई राष्ट्रिय राजमार्गसँग जोड्ने बेनी–जोमसोम सडक सुक्खा पहिरोका कारण अवरुद्ध भएको छ।
म्याग्दीको अन्नपूर्ण गाउँपालिका र मुस्ताङको थासाङ गाउँपालिकाको सिमानामा पर्ने घोप्टेभिरमा आज बिहान सुक्खा पहिरो खस्दा आवतजावत पूर्ण रूपमा ठप्प भएको हो।
सडक खुलाउन सडक डिभिजन कार्यालयको उपकरण परिचालन भइरहेको सप्मा प्रहरी चौकी घाँसाका प्रमुख, प्रहरी सहायक निरीक्षक तेजबहादुर कुमालले जानकारी दिए।
सडक अवरुद्ध हुँदा मुस्ताङ जिल्लाको सिधा सडक सम्पर्क टुटेको छ। साथै, प्रतिकूल मौसमका कारण पोखरा–जोमसोम हवाई सेवा पनि बन्द भएको छ।
