मुग्लिन–नारायणगढ सडकखण्डस्थित तुईन खोला पुल नजिकै गुडिरहेको एक कारमाथि ढुंगा खस्दा तीन जना गम्भीर घाइते भएका छन्।
घटनामा परेका कारमा पाँच जना सवार थिए। तीमध्ये पछाडिको सिटमा बसेका तीन जना गम्भीर घाइते भएका हुन्। घाइतेहरूलाई तत्कालै उपचारका लागि अस्पताल पठाइएको चितवन प्रहरीले जनाएको छ।
उक्त कार भारतीय नम्बर प्लेटको रहेको र बिहानदेखि लगातार वर्षा भइरहेको अवस्थामा एक्कासि माथिबाट खसेको ढुंगाले कारमा ठोक्किएको जनाइएको छ। हाल वर्षा रोकिएको भए पनि घटनास्थल वरिपरि चट्याङ र ढुंगा खस्ने जोखिम कायमै रहेको स्थानीयले बताएका छन्।
दुर्घटनापछि प्रहरी घटनास्थलतर्फ पुगेको छ। चितवन प्रहरीका अनुसार, घटनाको विस्तृत विवरण संकलन गर्ने कार्य जारी छ।
