“चाँदीको मूल्य नयाँ उचाइमा, सुन पनि ४ सय रुपैयाँले बढ्यो”

चाँदीको मूल्य इतिहासमै पहिलोपटक प्रतितोला २,३०० रुपैयाँ नाघेको छ।

नेपाल सुनचाँदी व्यवसायी महासंघले सोमबारका लागि चाँदीको मूल्य प्रतितोला २ हजार ३१५ रुपैयाँ तोकेको छ, जुन अघिल्लो दिनको तुलनामा ३० रुपैयाँले बढी हो। यो अहिलेसम्मकै उच्च मूल्य हो।

सुनको मूल्य पनि उल्लेख्य रूपमा बढेको छ। महासंघका अनुसार सोमबारका लागि छापावाला सुनको मूल्य प्रतितोला १ लाख ९३ हजार ३ सय रुपैयाँ तोकिएको छ। अघिल्लो दिन यो मूल्य १ लाख ९२ हजार ९ सय रुपैयाँ थियो।