नेपाल राष्ट्र बैंकले व्यक्तिलाई बैंक तथा वित्तीय संस्थाबाट दिइने सेयर धितो कर्जाको सीमा बढाएको छ।
आर्थिक वर्ष २०८२/८३ का लागि मौद्रिक नीति सार्वजनिक गर्दै गभर्नर विश्वनाथ पौडेलले व्यक्तिलाई दिइँदै आएको अधिकतम सेयर धितो कर्जाको सीमा १५ करोडबाट बढाएर २५ करोड रुपैयाँ पुर्याइएको घोषणा गरेका हुन्।
धितोका रूपमा राखिने सेयरको पछिल्लो १८० दिनको औसत मूल्य वा पछिल्लो बजार मूल्य—जसमा जुन कम हुन्छ, त्यसको ७० प्रतिशतसम्म कर्जा दिइन्छ।
नेपाल राष्ट्र बैंकका अनुसार, हालसम्म सेयर धितो कर्जाको आकार १ खर्ब २८ अर्ब रुपैयाँ पुगेको छ (जेठ मसान्तसम्म)।
