आगामी तीन दिनसम्म अत्यावश्यक ड्राइभिङ लाइसेन्स छपाइको काम नहुने भएको छ । एक सूचना जारी गर्दै यातायात व्यवस्था विभागले स्मार्ट कार्ड प्रिन्टर मर्मत गर्नुपर्ने भएकाले अत्यावश्यक लाइसेन्स छपाइको काम बन्द गर्न लागिएको जानकारी दिएको हो ।

विभागका अनुसार तत्काल लाइसेन्स आवश्यक पर्ने सेवाग्राहीले २५ जेठ भन्दा अगाडि नै निवेदन पठाएर स्वीकृत गराइसक्नु पर्नेछ ।

यसअघि गत वैशाख अन्तिम सातामा पनि प्रिन्टरमा समस्या आउँदा एक हप्तासम्म लाइसेन्स छपाइको काम रोकिएको थियो । उक्त समस्या समाधान भएको एक महिना पनि नपुग्दै प्रिन्टर पुनः मर्मत गर्नुपर्ने अवस्था आएको हो ।

विपक्षी दलहरूले संसद्मा अवरोध कायमै राख्ने अडान नछाडेपछि प्रतिनिधिसभाको आजको बैठक पनि स्थगित भएको छ ।
आज दिउँसो १ बजेका लागि तोकिएको बैठक सभामुख देवराज घिमिरेले सत्तापक्ष र विपक्षी दलका प्रमुख सचेतकहरूसँग छलफल गर्न लागेपछि दिउँसो सवा ३ बजेसम्मका लागि सारिएको थियो ।

तर विपक्षी दल विशेषगरी नेकपा माओवादी केन्द्रले भिजिट भिसा प्रकरणमा गृहमन्त्री रमेश लेखकले राजीनामा दिनुपर्ने अडान छाडेन ।
सहमति नजुटेपछि संसद् सचिवालयले सूचना टाँसेर भोलि दिउँसो १ बजेसम्मका लागि बैठक स्थगित गरेको हो । हिजो पनि बैठक शुरू नै नभई आजसम्मका लागि स्थगित भएको थियो ।

भिजिट भिसा प्रकरणलाई लिएर प्रतिनिधिसभाको चौथो बैठक अवरुद्ध भएको हो ।

रॉयल च्यालेन्जर्स बैंगलोर (RCB) ले पहिलो पटक आईपीएल (IPL) च्याम्पियनको उपाधि जितेको छ। अहमदाबादको नरेंद्र मोदी स्टेडियममा भएको रोमाञ्चक फाइनलमा RCB ले पंजाब किंग्सलाई ६ रनले हराउँदै १८ वर्षको लामो प्रतिक्षा अन्त्य गरेको हो।

RCB ले पहिलो ब्याटिङ गर्दै २० ओभरमा १९०/९ रन बनायो। पञ्जाब किंग्सको टोली २० ओभरमा १८४/७ रन मात्र बनाउन सक्यो। यस जितसँगै RCB ले पहिलो पटक आईपीएलको उपाधि जितेको हो।

 उत्सव र समर्पण

विराट कोहली, जसले १८ नम्बरको जर्सीमा खेल्दै कप्तानी गरेका थिए, जितपछि भावुक भए। उनले टिमका साथीहरू, मुख्य प्रशिक्षक एन्डी फ्लावर र पत्नी अनुष्का शर्मासँग खुशी साटे। बेंगलुरु शहरमा आतिशबाजी र जश्नको माहौल थियो। पूर्व RCB खेलाडीहरू डिनेश कार्तिक र फाफ डु प्लेसिसले अनलाइनमा जश्नमा सहभागी भए।

 RCB समर्थकहरूको प्रतीकात्मक नारा

RCB समर्थकहरूको प्रिय नारा “Ee sala cup namdu” (यसपटक कप हाम्रो हो) अब वास्तविकतामा परिणत भएको छ। यो नारा विगतका असफलताका बाबजुद टिमप्रतिको अडिग विश्वासको प्रतीक बनेको थियो।

यस जितले RCB को इतिहासमा नयाँ अध्याय थपेको छ र समर्थकहरूको लागि अविस्मरणीय क्षण बनेको छ।

सुनसरीमा खोलाको बगरमा गाडेर राखेको अवस्थामा १हजार १ सय २० किलो गाँजा बरामद गरेको प्रहरीले जनाएको छ । भारत तस्करीका लागि तस्करको समूहले सुनसरीको कटान खोलाको बगरमा गाडेर राखेको अवस्थामा ३८ बोरा गाँजा भेटिएको थियो ।

बरामद गाँजा १हजार १ सय २० किलो रहेको जिल्ला प्रहरी कार्यालय सुनसरीका डिएसपी योगराज खतिवडाले जानकारी दिनु भएको ।

सुनसरीको हरिनगरा गाँउपालिका ५ र ६ को सिमाना भएर बग्ने कटान खोलाको बगर गाडेर राखेको अवस्थामा ३८ बोरा गाँजा बरामद गरेको हो । गाँजा बरामद भएको स्थान भारतीय सीमा क्षेत्र नजिकै पर्छ । घटनाको अनुसन्धान भइरहेको प्रहरीले जनाएको छ ।