गाउँपालिकाले आर्थिक वर्ष २०८०/८१ मा करिब १५ लाख रुपैयाँ खर्च गरेर सेनेटरी प्याड खरिद गरेको भए पनि ती सामग्री विद्यालयसम्म नियमित रूपमा पुग्न नसक्दा अभाव चुलिएको हो । विद्यालयमा एकपटक मात्र वितरण भएको र त्यसपछि लामो समयसम्म आपूर्ति नहुँदा मौज्दात सकिएको शिक्षकहरूको भनाइ छ ।
शिक्षकहरूका अनुसार शैक्षिक सत्र २०८१ मा एकपटक प्याड विद्यालयमा पुर्याइएको थियो । त्यसपछि दुई वर्षसम्म आपूर्ति नहुँदा समस्या झन् बढेको हो । शैक्षिक सत्र २०८२ मा पुरानै मौज्दातबाट केही प्याड वितरण गरिएको भए पनि ती सामग्री माघ महिनासम्म मात्रै पुगेको शिक्षकहरूले जनाएका छन् । त्यसयता गाउँपालिकाका अधिकांश विद्यालयमा सेनेटरी प्याड उपलब्ध गराइएको छैन ।
शारदा माध्यमिक विद्यालयका प्रधानाध्यापक मोहनसिंह मंगोलाका अनुसार विद्यालयमा प्याड सकिएको केही महिना भइसकेको छ । उनले भने, ‘केही समयदेखि प्याड सकिएका छन्, पालिकामा जानकारी गराएका छौँ, अब उपलब्ध गराउने तयारी भइरहेको भन्ने सुनेको छु ।’
यस्तै चन्द्रदेवल माध्यमिक विद्यालयकी शिक्षिका मिना साउँदले प्याड नहुँदा महिनावारीका बेला छात्राहरू समस्यामा परेको बताइन् । उनका अनुसार विद्यालयमा प्याड नहुँदा आवश्यक परेको बेला छात्राहरूलाई खाली हात फर्काउनुपर्ने बाध्यता छ । ‘महिनावारी भएको बेला प्याड माग्न आउने छात्रालाई रित्तै फर्काउनुपरेको छ, केही छात्राहरू त पढाइ छाडेर घर फर्किनुपर्ने अवस्था पनि छ,’ उनले भनिन् ।
विद्यालयहरूमा सेनेटरी प्याड अभाव भइरहेका बेला गाउँपालिकाले मौज्दातमा रहेका सामग्री समयमै वितरण नगरेको र म्याद गुज्रिएपछि फालिएको आरोप पनि लागेको छ । दुई वर्षअघि खरिद गरिएका प्याडहरू लामो समय स्टोरमै राखिँदा प्रयोग नहुँदै म्याद सकिएको बताइएको छ ।
स्थानीयका अनुसार २०८२ चैत २७ गते गाउँपालिकामा सञ्चालन गरिएको आँखा शिविरका लागि कोठा खाली गर्ने क्रममा स्टोरमा राखिएका करिब ३०० भन्दा बढी सेनेटरी प्याड गाउँपालिका परिसरभित्रकै फोहोर व्यवस्थापन क्षेत्रमा विसर्जन गरिएको थियो ।
विद्यालयमा अत्यावश्यक सामग्रीको अभाव भइरहेका बेला मौज्दातको सही व्यवस्थापन हुन नसक्नु र सामग्री प्रयोग नै नहुने गरी नष्ट हुनु सार्वजनिक स्रोतको दुरुपयोग भएको भन्दै स्थानीयस्तरमा प्रश्न उठेको छ । किशोरीहरूको स्वास्थ्य, स्वच्छता र विद्यालय उपस्थितिसँग प्रत्यक्ष जोडिएको सामग्री समयमै उपलब्ध गराउन नसक्नु स्थानीय सरकारको कार्यक्षमतामाथिको गम्भीर कमजोरीका रूपमा हेरिएको छ ।
गाउँपालिकाका शिक्षा शाखा प्रमुख दिनेश साउँदले प्याड किन र कसरी विसर्जन गरियो भन्ने विषयमा आफूलाई जानकारी नभएको बताएका छन् । ‘स्टोरमा राखिएका प्याड किन फालिए भन्नेबारे मलाई जानकारी छैन,’ उनले भने ।
यस्तै गाउँपालिकाका प्रमुख प्रशासकीय अधिकृत एकराज आचार्यले म्याद नाघेका प्याड स्टोरमा रहेकाले फालिएको जानकारी आफूले पाएको बताए । उनका अनुसार दुई–तीन वर्षअघि खरिद गरिएका सामग्री प्रयोग हुन नसकेपछि व्यवस्थापन गरिएको हो । ‘अब स्रोत उपलब्ध भए विद्यालयलाई पुन: उपलब्ध गराउनुपर्ने हुन्छ, त्यसबारे बुझ्दैछु,’ उनले भने ।
सरोकारवालाहरूले सेनेटरी प्याड जस्ता संवेदनशील सामग्रीको व्यवस्थापनमा गम्भीर लापरबाही भएको भन्दै छानबिनको माग गरेका छन् । वार्षिक आवश्यकता आकलन, समयमै वितरण, मौज्दात व्यवस्थापन र म्याद अनुगमन प्रणाली प्रभावकारी नहुँदा सार्वजनिक स्रोतको दुरुपयोग भएको उनीहरूको भनाइ छ ।
राष्ट्रिय स्वतन्त्र पार्टी (रास्वपा) का सांसद एवं पूर्वगृहमन्त्री सुधन गुरुङ पुनः गृह मन्त्रालयको जिम्मेवारीमा फर्किने भएका छन्। बालुवाटार स्रोतका अनुसार प्रधानमन्त्री बालेन्द्र शाहको सिफारिसमा राष्ट्रपति रामचन्द्र पौडेलले उनलाई पुनः गृहमन्त्री नियुक्त गर्न लागेका हुन्।
गुरुङको पद तथा गोपनीयताको शपथ ग्रहण आज दिउँसो ३ बजे राष्ट्रपति भवन शीतल निवासमा आयोजना गर्ने गरी सम्पूर्ण तयारी अगाडि बढाइएको स्राेतले जनाएकाे छ। राष्ट्रपतिको कार्यालयले जनाएको छ।
यसअघि गत चैत १३ गते गृहमन्त्रीको रूपमा पहिलोपटक कार्यभार सम्हालेका गुरुङले सेयर लगानी र स्वार्थको बाझिने विषयलाई लिएर सार्वजनिक रूपमा प्रश्न उठेपछि नियुक्तिको २६ दिनमै (गत वैशाख ९ गते) पदबाट राजीनामा दिएका थिए। आफूमाथि लागेका आरोपहरूको निष्पक्ष छानबिनका लागि बाटो खुला गर्न भन्दै उनले नैतिकताको आधारमा तत्कालीन समयमा राजीनामा बुझाएका थिए।
उनीमाथि लागेका आरोपहरूको विस्तृत अध्ययन र छानबिन गर्न सरकारले गत वैशाख अन्तिम साता उच्च अदालतका पूर्वन्यायाधीश अच्युतप्रसाद भण्डारीको संयोजकत्वमा एक विशेष समिति गठन गरेको थियो।
उक्त छानबिन समितिले आफ्नो प्रतिवेदन बुझाउँदै उनलाई सफाइ (क्लिन चिट) दिएको वा राजनीतिक समीकरणमा कुरा मिलेको आधारमा गुरुङलाई पुनः सोही शक्तिशाली मन्त्रालयको जिम्मेवारी सुम्पन लागिएको हाे।
गोरखा क्षेत्र नम्बर १ बाट निर्वाचित सांसद गुरुङ रास्वपाभित्र र युवा वृत्तमा आक्रामक एवं ऊर्जावान् नेताका रूपमा चिनिन्छन्।
पोखरा । पोखराको सडकमा पत्रपत्रिका बेचेर जीविका चलाउने कृष्ण थापाले जेठ २३ गते एउटा नमीठो विभेद भोगे । बौद्धिक अपांगता भएका कृष्णले पोखरा महानगरपालिका वडा नम्बर ३२ मा बस रोक्न खोज्दा चालकले गाडी रोकेनन् । उनी बस चढ्न खोज्दै थिए तर बस नरोकी अघि बढ्यो । यो घटनाको भिडियो सामाजिक संजालमा भाइरल भएपछि कास्की प्रहरीले सक्रियता देखाएको छ ।
प्रहरीले ग२ख २२५५ नम्बरको सार्वजनिक बसलाई नियन्त्रणमा लिएको छ । ट्राफिक नियम उल्लंघन गरेकाले उक्त बसलाई जरिवाना गरिएको छ । कास्की प्रहरीका सूचना अधिकारी तथा डिएसपी वीरेन्द्रकुमार पासवानले भिडियो र जनगुनासोका आधारमा तत्काल कारबाही गरिएको बताए । प्रहरीले बसका चालक र सहचालकलाई बोलाएर सम्झाएको छ । उनीहरूले अबदेखि फरक क्षमता भएका, अपांगता भएका र वृद्धवृद्धालाई यात्रामा प्राथमिकता दिने सहमति जनाएका छन् ।
सार्वजनिक यातायातमा अपमानित बनेका कृष्णले ढिलै भए पनि न्याय पाएका छन् । पोखरा २६ का वडाध्यक्ष नरेन्द्र थापाको पहलमा आइतबार बेगनासताल पोखरा यातायात प्रालीसँग छलफल भएको छ । छलफलमा आगामी दिनमा कृष्ण र उनीजस्ता अन्य नागरिकमाथि यस्ता दुव्र्यवहार हुन नदिने प्रतिबद्धता जनाइएको छ ।
कृष्णको सम्मान र छुट्टै पहिचानका लागि वडा कार्यालयले उनलाई विशेष पोसाक उपलब्ध गराउने भएको छ । उक्त पोसाकका आधारमा बसहरूले उनलाई सहज र सुरक्षित यात्राको सुविधा दिनेछन् । साथै उनलाई यात्राका क्रममा भाडामा पूर्ण सहुलियत अर्थात् निःशुल्क यात्रा गराउन समितिलाई अनुरोध गरिएको छ । सार्वजनिक यातायातलाई सबैका लागि मर्यादित बनाउन प्रहरीले पनि निगरानी बढाएको छ ।
पोखराको प्रमुख पर्यटकीय क्षेत्र लेकसाइडमा सञ्चालित क्यासिनोहरूमा प्रहरीले आकस्मिक निरीक्षण तथा खानतलासी (सर्च अपरेसन) गरेको छ ।
विदेशी पर्यटकहरूको सुरक्षा व्यवस्था मजबुत बनाउन र कानूनी पालना सुनिश्चित गर्न जिल्ला प्रहरी कार्यालय कास्कीले आफ्नो सक्रियता बढाएको हो । वडा प्रहरी कार्यालय बैदामका प्रमुख प्रहरी नायव उपरीक्षक (डीएसपी) नमराज भट्टराईकाअनुसार लेकसाइड क्षेत्रमा सञ्चालित ताज क्यासिनो र महाराजा क्यासिनोपोखराको प्रमुख पर्यटकीय क्षेत्र लेकसाइडमा सञ्चालित क्यासिनोहरूमा प्रहरीले आकस्मिक निरीक्षण तथा खानतलासी (सर्च अपरेसन) गरेको छ ।
विदेशी पर्यटकहरूको सुरक्षा व्यवस्था मजबुत बनाउन र कानूनी पालना सुनिश्चित गर्न जिल्ला प्रहरी कार्यालय कास्कीले आफ्नो सक्रियता बढाएको हो । वडा प्रहरी कार्यालय बैदामका प्रमुख प्रहरी नायव उपरीक्षक (डीएसपी) नमराज भट्टराईकाअनुसार लेकसाइड क्षेत्रमा सञ्चालित ताज क्यासिनो र महाराजा क्यासिनोमा विशेष टोली परिचालन गरी निरीक्षण गरिएको थियो । २४ सै घण्टा खुला रहने लेकसाइड क्षेत्रमा भारतीय तथा अन्य विदेशी पर्यटकहरूको बाक्लो उपस्थिति रहने भएकाले उनीहरूको सुरक्षालाई मध्यनजर गर्दै प्रहरीले गस्ती समेत बढाएको छ । निरीक्षणका क्रममा ताज क्यासिनोमा ३४ जना र महाराजा क्यासिनोमा १० जना विदेशी पर्यटकहरू (भारतीय र चिनियाँ) फेला परेका भट्टराईले बताउनु भयो । क्यासिनो नियमावली बमोजिम नेपाली नागरिकलाई क्यासिनो प्रवेशमा पूर्ण रोक लगाइएको सन्दर्भमा सोको कार्यान्वयन भए नभएको जाँच गर्नु प्रहरीको मुख्य उद्देश्य रहेको डीएसपी भट्टराईले जानकारी दिनुभयो । यस पटकको निरीक्षणमा कोही पनि नेपाली नागरिक क्यासिनोभित्र फेला नपरेको उहाँले स्पष्ट पार्नुभयो ।
पोखरालाई सुरक्षित पर्यटकीय गन्तव्यको रूपमा स्थापित गर्न र क्यासिनोहरूमा हुन सक्ने सम्भावित आपराधिक गतिविधि रोक्न प्रहरीले विशेष निगरानी राख्दै आएको छ । हाल लेकसाइड क्षेत्रमा पर्यटकहरूको सुरक्षाका लागि थप सुरक्षाकर्मी र गस्ती परिचालन गरिएको प्रहरीले जनाएको छ । ताज क्यासिनोमा ३४ जना र महाराजा क्यासिनोमा १० जना विदेशी पर्यटकहरू (भारतीय र चिनियाँ) फेला परेका भट्टराईले बताउनु भयो । क्यासिनो नियमावली बमोजिम नेपाली नागरिकलाई क्यासिनो प्रवेशमा पूर्ण रोक लगाइएको सन्दर्भमा सोको कार्यान्वयन भए नभएको जाँच गर्नु प्रहरीको मुख्य उद्देश्य रहेको डीएसपी भट्टराईले जानकारी दिनुभयो । यस पटकको निरीक्षणमा कोही पनि नेपाली नागरिक क्यासिनोभित्र फेला नपरेको उहाँले स्पष्ट पार्नुभयो ।
पोखरालाई सुरक्षित पर्यटकीय गन्तव्यको रूपमा स्थापित गर्न र क्यासिनोहरूमा हुन सक्ने सम्भावित आपराधिक गतिविधि रोक्न प्रहरीले विशेष निगरानी राख्दै आएको छ । हाल लेकसाइड क्षेत्रमा पर्यटकहरूको सुरक्षाका लागि थप सुरक्षाकर्मी र गस्ती परिचालन गरिएको प्रहरीले जनाएको छ ।
प्रतिपक्ष दल नेपाली कम्युनिष्ट पार्टी (नेकपा)का नेता वर्षमान पुनले संसदको गतिरोध अन्त्यका लागि आवश्यक वातावरण बनाई दिन सभामुख डोलप्रसाद अर्यालसँग आग्रह गर्नुभएको छ ।
सोमवार प्रतिनिधि सभा बैठकमा बोल्दै उहाँले प्रधानमन्त्री बालेन्द्र साहले नेपालले पनि भारतको धेरै ठाउँ मिचेको छ भनि दिएको अभिव्यक्ति संसदमा नै आएर नसच्याई संसद बैठक चल्न नदिने विपक्षहरुको अडान रहेको स्पष्ट पार्दैै सदन सुचारु गराउनका लागि वातावरण बनाउन सभामुख अर्यालसँग अनुरोध गर्नुभएको हो । नेता पुनले प्रधानमन्त्री साहले दिएको उक्त अभिव्यक्ति सदनको रेकर्डबाट हटाउनुपर्ने माग पनि दोहो¥याउनु भयो । उहाँले सदनको गतिरोध अन्त्यका लागि सत्तारुढ रास्वपाले पनि विभिन्न विकल्पहरु ल्याएको उल्लेख गर्दै त्यसमा बसेर छलफल गर्न पनि सभामुख अर्यालले आवश्यक सहजीकरण गर्नुपर्ने तर्क गर्नुभयो ।
उहाँले भन्नुभयो,‘संसद नियमित चलोस । यसमा हाम्रो प्रतिवद्धता छ र हाम्रो धारणा पनि यही हो । त्यसो हुँदा आजको बैठकको सन्दर्भमा प्रधानमन्त्रीको यो विषय सच्चिनु पर्दछ । संसदको रेकर्डबाट हटनु पर्छ । उहाँले आएर जवाफ दिनुपर्छ भन्नेकुरा हामी प्रतिपक्षहरुको तर्फबाट हाम्रो अडान कायमै छ । सत्तारुढ पार्टीबाट विभिन्न अप्शनहरु सदनलाई सुचारु गर्न स्वयम प्रतिपक्ष दलले उठाएका मुद्दाहरुलाई सम्बोधन गर्न विभिन्न अप्शनहरु आएका छन् । सकारात्मक रुपमा आएका छन् । त्यसकारण त्यो अझै निष्कर्षमा नपुगेको हुनाले केही समयका लागि सम्माननीय सभामुखज्युले बैठक रोकेर यसलाई एक पटक अझै छलफल गरेर आजै छलफल गरेर अगाडि बढने खालको वातावरण बनाई दिनका लागि मैले आफनो तर्फबाट पनि, प्रतिपक्षहरुको तर्फबाट पनि यहाँलाई अनुरोध गर्न चाहन्छु ।’
त्यस अवसरमा नेता पुनले प्रतिपक्ष दलहरु संसद नियमित चलोस भन्नेमा प्रतिवद्ध रहेको बताउनु भयो ।
अनलाइनबाटै नेपाल र भारतबिच व्यक्तिगत रूपमा रकम ट्रान्सफर गर्न सकिने सेवा सुरु भएको छ । निश्चित बैङ्क तथा वित्तीय संस्थाहरूबाट यो सेवा सञ्चालनमा आएको हो ।
फुटबलको महाकुम्भ ‘फिफा विश्वकप २०२६’ अबको चार दिनमा सुरु हुँदैछ । अहिलेसम्मकै ठुलो सङ्ख्याका टोली सहभागी हुने यो ३९ दिने प्रतियोगिता अमेरिका, मेक्सिको र क्यानडा गरी तीन वटा आयोजक राष्ट्रहरूमा सञ्चालन हुँदैछ ।
जेठ २५, २०८३ सोमबार
किसानलाई मलखाद र सहज ऋण उपलब्ध गराउन माग गर्दै जनमत पार्टीको प्रदर्शन (तस्बिरहरु)
राष्ट्रिय स्वतन्त्र पार्टी (रास्वपा) सिरहाको प्रथम ऐतिहासिक जिल्ला अधिवेशनमा नेतृत्व चयनका लागि सहमति जुट्न नसकेपछि निर्वाचनमार्फत नयाँ नेतृत्व चयन गरिने भएको छ ।
निर्वाचन कार्यक्रम आज देखि निर्वाचन प्रक्रिया सुरु हुने निर्वाचन आयोगका कार्यवाहक निर्वाचन संयोजक डा. इन्द्रजित महतोले जानकारी दिएका छन् ।
शनिबार बिहान ८ बजेदेखि अधिवेशनको खुला सत्र सुरु भए पनि नेतृत्व चयनमा सहमति कायम हुन नसकेपछि निर्वाचन प्रक्रियालाई अघि बढाइएको उनले बताए ।
उनका अनुसार सिरहाका चारवटै निर्वाचन क्षेत्रका प्रतिनिधिसभा सदस्य तथा समानुपातिक सांसद पुरुषोत्तम यादवलगायतका नेताहरूले पटक-पटक सहमतिको प्रयास गरे पनि सफल हुन नसकेपछि निर्वाचन प्रक्रियामा जाने निर्णय गरिएको हो ।
डा. महतोका अनुसार निर्वाचनका अधिकांश प्रक्रिया पूरा भइसकेका छन् भने मतदाताको नामावली प्रकाशन गर्न मात्र बाँकी रहेको छ। सम्पूर्ण तयारी पूरा गरेर आज बिहान १० बजेदेखि सुरु गरिने उनले बताए ।
जिल्ला सभापति पदका लागि वर्तमान सभापति हरिप्रसाद मैनाली, युवा नेता सुभाष कुमार यादव र राम सौगारथ यादवले उम्मेदवारी दर्ता गराएका छन् ।
त्यसैगरी उपसभापति पदका लागि इ. अरविन्द कुमार राम, जीवछ यादव, निमा कुमारी यादव र गीता शाही चुनावी मैदानमा छन्। सचिव पदमा रमेश कुमार यादव, राजेन्द्र मण्डल, परीतोष कुमार यादव र अमित राज राईबीच प्रतिस्पर्धा हुने भएको छ।
उम्मेदवारी दर्तापछि सहमतिको प्रयास जारी रहे पनि प्रमुख पदहरूमा एकभन्दा बढी आकांक्षी कायम रहेकाले अन्ततः नेतृत्व चयन निर्वाचन प्रक्रियामार्फत हुने भएको हो ।
संस्थाका अध्यक्ष सुवास ढुङ्गानाको अध्यक्षतामा बसेको बैठकले आगामी दिनमा गर्ने विभिन्न कार्यक्रम योजना तथा कार्यसूची सार्वजनिक गरेको छ ।
देशैभर सङ्गठन निर्माण गर्ने योजनाका साथ सङ्गठन निर्माण गर्न बाँकी जिल्लाहरूमा शाखा निर्माणका साथ सदस्य वितरण गर्दै ,पहिला नै निर्माण भैसकेका जिल्लाहरूमा अधिवेशन सम्पन्न पश्चात् केन्द्रीय महाधिवेशन सम्पन्न गर्ने निर्णय बैठक कले गरेको छ । त्यस्तै गरी बदलिँदो राजनीतिक परिवेशमा राजनीतिक दलहरूको भूमिका” विषयमा अन्तर्क्रिया कार्यक्रम असार तेस्रो हप्तामा सम्पन्न गर्ने निर्णय गर्दै संस्थाको उपाध्यक्ष डिल कुमारी पौडेलको संयोजकत्वमा दुर्गा कुँवर,धर्मराज बराल, कुमार भण्डारी र नीलकण्ठ त्रिपाठी सदस्य रहने गरी उप समिति निर्माण गरिएको छ ।
संविधान संशोधन सुझाव सङ्कलन तयारी समितिमा संस्थाको सल्लाहकार वरिष्ठ अधिवक्ता माधव बास्तोलाको संयोजकत्वमा डा. सञ्जय कोइराला,दिल कुमारी पौडेल,अधिवक्ता मिलन आले, अधिवक्ता शिव रेग्मी र मोहम्मद कामिल खानलाई जिम्मेवारी प्रदान गरिएको छ । संस्थाको स्मारिका प्रकाशन दसैँ तिहार अगाडि नै गर्नको लागि संस्थाको उपाध्यक्ष डा. सञ्जय कोइरालाको संयोजकत्वमा,प्रधान सम्पादक प्रा.डा. भीमनाथ बराल,सह संयोजक संस्थाको उपाध्यक्ष दिल कुमारी पौडेल,केन्द्रीय सदस्यहरू विष्णु गुरुङ दुर्गा कुँवर र विष्णु पोख्रेल रहने गरी उप–समिति गठन गरिएको छ ।
त्यस्तै गरी उक्त बैठकले पृथ्वीनारायण क्याम्पसको राजनीतिशाश्त्र विषयको विभागीय प्रमुख नियुक्त भएकोमा संस्थाका सल्लाहकार प्राध्यापक लाल बहादुर कुँवरलाई सम्मान समेत गरेको छ । साथै पृ.ना.क्याम्पसको वि.एल.एल.वी. को निर्देशक भएकोमा संस्थाका सल्लाहकार प्रा.डा. भीमनाथ बराल ज्यूलाई सम्मान गएको
छ । संस्थाका अध्यक्ष सुवास ढुङ्गानाले त्रिभुवन विश्वविद्यालय कीर्तिपुर, काठमाण्डौंवाट एमफिल/ पिएच.डी गर्न को लागी सुरु गरेको भन्दै शुभकामना व्यक्त
