नागरिक उन्मुक्ति पार्टी (नाउपा) ले सुदूरपश्चिम प्रदेश सरकारलाई दिएको समर्थन फिर्ता लिएको छ।
शुक्रबार बसेको नाउपाको संसदीय दलको बैठकले समर्थन फिर्ता लिने निर्णय गरेको हो। प्रदेश संसदीय दलका नेता घनश्याम चौधरीले अनलाइनखबरलाई जानकारी दिँदै सरकारबाट फिर्ता हुने निर्णयसम्बन्धी पत्र मुख्यमन्त्रीलाई बुझाइने बताएका छन्।
मुख्यमन्त्री कमलबहादुर शाहले बिहीबार उद्योग, पर्यटन, वन तथा वातावरणमन्त्री रामेश्वर चौधरीलाई बर्खास्त गरेपछि नाउपाले सरकारबाट बाहिरिने निर्णय गरेको हो।
