गुल्मी जिल्लामा एक वर्षको अवधिमा १९ जनाले नेपाली नागरिकता त्यागेका छन्।
आर्थिक वर्ष २०८१/०८२ मा १९ जनाले नेपाली नागरिकता परित्याग गरेको जिल्ला प्रशासन कार्यालय गुल्मीका निमित्त प्रमुख जिल्ला अधिकारी हरिप्रसाद गैरेले जानकारी दिए।
अघिल्लो आर्थिक वर्ष २०८०/८१ मा ६८ जनाले नेपाली नागरिकता प्रमाणपत्र त्यागेका थिए।
नागरिकता परित्याग गर्ने मुख्य कारणहरूमा वैदेशिक बसोबास, स्थायी आवास, वैवाहिक सम्बन्ध तथा अन्य व्यक्तिगत कारणहरू रहेको कार्यालयले जनाएको छ।
नेपाली नागरिकता त्याग गर्ने अधिकांश व्यक्ति विदेशमा स्थायी रूपमा बसोबास गर्दै आएका छन्।
तिनीहरूले विदेशी नागरिकता प्राप्त गरेपछि नेपाल सरकारलाई औपचारिक रूपमा जानकारी गराई नेपाली नागरिकता त्याग गरेका हुन्, गैरेले बताए।
